അനുരാഗവിലോചനനായി

 

ചിത്രം : നീലത്താമര  
സംഗീതം : വിദ്യാസാഗര്‍  
വരികള്‍ : വയലാര്‍ ശരത് ചന്ദ്ര വര്‍മ  
ആലാപനം : വി ശ്രീകുമാര്‍, ശ്രേയ ഘോഷല്‍  

അനുരാഗവിലോചനനായി 
അതിലേറെ മോഹിതനായി 
പടിമേലെ നില്ക്കും ചന്ദ്രനോ തിടുക്കം
പതിനേഴിന്‍ പൌര്‍ണമി കാണും 
അഴകെല്ലാമുള്ളൊരു പൂവിനു 
അറിയാതിന്നെന്തേയെന്തേ ഇതളനക്കം
പുതുമിനുക്കം ചെറുമയക്കം 
അനുരാഗവിലോചനനായി 
അതിലേറെ മോഹിതനായി 
പടിമേലെ നില്ക്കും ചന്ദ്രനോ തിടുക്കം ..

കളിയും ചിരിയും നിറയും കനവില്‍ 
ഇലനീരോഴുകി കുളിരില്‍ 
തണലും വെയിലും പുണരും തൊടിയില്‍ 
മിഴികള്‍ പായുന്നു കൊതിയില്‍ 
കാണാനുള്ളിലുള്ള ഭയമോ 
കാണാനേറെയുള്ള രസമോ 
ഒന്നായ് വന്നിരുന്നു വെറുതെ പടവില്‍ ....
കാത്തിരിപ്പോ വിങ്ങലല്ലേ?കാലമിന്നോ മൗനമല്ലേ ? 
മൗനം തീരില്ലേ ??? 
(അനുരാഗ വിലോചനനായി..

പുഴയും മഴയും തഴുകും സിരയില്‍ 
പുളകം പതിവായി നിറയേ 
മനസ്സിന്‍ നടയില്‍ വിരിയാനിനിയും മറന്നോ നീ നീലമലരേ 
നാണം പൂത്തു പൂത്തു കൊഴിയേ 
ഈണം കേട്ടു കേട്ടു കഴിയേ 
രാവോ യാത്രപോയ് തനിയേ അകലേ .... 
രാക്കടമ്പിന്‍ ഗന്ധമോടേ രാക്കിനാവിന്‍ ചന്തമോടേ 
വീണ്ടും ചേരില്ലേ ??? (അനുരാഗ വിലോചനനായി..

.

Comments