Select song by first letter

September 17, 2010

ലോകം മുഴുവന്‍ സുഖം പകരാനായ്

ചിത്രം : സ്നേഹദീപമേ മിഴി തുറക്കു (1972)
സംഗീതം : പുകഴേന്തി
രചന : പി ഭാസ്കരന്‍
ഗായിക : എസ്‌ ജാനകി 



ലോകം മുഴുവന്‍ സുഖം പകരാനായ്
സ്നേഹദീപമേ മിഴിതുറക്കൂ - ലോകം മുഴുവന്‍
കദനനിവാരണ കനിവിന്‍ ഉറവേ
കാട്ടിന്‍ നടുവില്‍ വഴിതെളിക്കൂ - ലോകം മുഴുവന്‍

പരീക്ഷണത്തിന്‍ വാള്‍മുനയേറ്റീ
പടനിലത്തില്‍ ഞങ്ങള്‍ വീഴുമ്പോള്‍
ഹൃദയക്ഷതിയാല്‍ രക്തം ചിന്തി
മിഴിനീര്‍പ്പുഴയില്‍ താഴുമ്പോള്‍
താങ്ങായ് തണലായ് ദിവ്യൌഷധിയായ്
താതാ നാഥാ കരം പിടിക്കൂ - ലോകം മുഴുവന്‍

പുല്ലില്‍ പൂവില്‍ പുഴുവില്‍ കിളിയില്‍
വന്യജീവിയില്‍ വനചരനില്‍
ജീവബിന്ദുവിന്നമൃതം തൂകിയ
ലോകപാലകാ ജഗദീശാ
ആനന്ദത്തിന്‍ അമൃതകിരണമായ്
അന്ധകാരമിതില്‍ അവതരിക്കൂ - ലോകം മുഴുവന്‍

No comments:

Post a Comment

CyberJalakam

ജാലകം

Archive